29（2/2）

    鸡雄送到carol放屋企闸口，果度原来系西贡d低密度豪宅区，即系家

    家户户都有私人码头果d呢……

    carol冇畀鸡雄送到门口，不过闸口个警？见到佢地咁亲热，一样一面

    同carol打招呼，一面睇到眼超超。

    「放心，」鸡雄向carol讲：「我会睇住jacky，你返去见返爹地

    妈咪之后，慢慢谂清楚先，我过两日先搵你……」carol面红红咁点左下头，

    行左两步，又忍唔住走返转头，扑上黎锡左鸡雄一啖——

    返屋企果阵，鸡雄一路好小心咁四围瞄；佢专登兜左个大圈，搭地铁过左海，

    突然间又转车返返过黎，晌尖沙咀出左闸，又晌d横街转黎转去，最后先截左部

    的士返屋企……

    佢一入屋，都未闩得切门，jacky已经马上标左出黎，一手扯左佢入房。

    「虾！你个死男人婆搵次唔好咁粗暴得唔得？」鸡雄一手拨开佢，好唔耐烦

    咁话。

    「carol呢？」jakcy两只眼都红哂，琴晚应该冇训过：「佢点呀？」

    鸡雄慢条施理咁拉左张椅埋黎坐低，好悠然自得咁话：「佢好好，我已经送

    左佢返屋企……」

    「哦……」jacky松左啖气，但又好担心咁话：「佢……佢返左屋企

    ……」

    「系呀！」鸡雄继续话：「返到去果阵佢都唔知几开心呀……」

    jacky有d嬲咁：「你讲野唔驶句句都有骨既！」

    「我有讲野咩？冇呀！」鸡雄嘴藐藐咁：「仲有呀！我地真系见到你老豆派

    黎d手下呀！佢仲一路昅实我同carol添喎……」

    「真系？」jacky有d紧张。

    「不过你放心！」鸡雄话：「我好小心，冇畀佢跟踪到。」

    「唔该哂……」jacky竟然好少有咁多谢鸡雄，令到佢有少少意外。

    「唔驶……」鸡雄见佢咁，都唔好意思再润佢：「carol话过两日，等

    佢爹地妈妈放松d先打电话黎喎……」

    「哦……」jacky应左声，有d心不在焉咁。

    鸡雄又话：「我应承左carol代佢照顾你，呢两日你有乜野需要，就叫

    我帮手呢……一阵我落超级市场，你有冇野想买呀？」

    「哦！」jacky听到，块面忽然红左下：「我……我……」(责任编辑：admin)